返回列表 发帖

【蘋果即是娛樂】【同大台冇聯絡】拍劇唔怕辛苦 陳秀雯話最重要係劇本吸引

陳秀雯噚日去到商台接受訪問,嚟緊佢會擔任盧國沾作品演唱會嘉賓,佢指有啲演唱會嘅邀請係一定會答案,例如盧國沾同之前黎小田嘅邀請,今次個騷會唱三至四首歌,問到會否開自己演唱會?佢話:「暫時冇諗呢一方面,我o依家處於半退休狀態,如果唔係佢哋開演唱會,我都唔會咁出現。」佢又笑指出道後一直喺演戲同唱歌兩邊走,所以都唔知自己係演員定歌手,佢話:「我係未正式開過演唱會,喺網上流傳嘅都係上次伊館嘅歌迷會聚會。」

平時有好多Fans都問佢幾時會拍劇,佢坦言再拍劇會有一定壓力,原因一直拍下作品都好有質素,Fans對我有期待之餘,自己亦對未來作品有期待同要求,問到大台有無邀請拍劇?佢話:「暫時無聯絡佢哋。」佢指接劇與否唔係考慮會否拍得辛苦,最重要係劇本能否吸引自己,因為本身係一個性格執著嘅人,凡事都考慮得好清楚。





轉貼自:
http://hk.apple.nextmedia.com/enews/realtime/20160615/55230957
附件: 您需要登录才可以下载或查看附件。没有帐号?注册  
转发到微博 收藏 分享

從來沒有想過會動搖,愛妳的心永不變。。。。。

谢谢分享!!!

TOP

返回列表