返回列表 发帖

【頭條日報】陳秀雯有戲癮不言休 積極享受人生

本帖最后由 loveamy 于 2015-10-8 12:09 编辑

【頭條日報】陳秀雯有戲癮不言休 積極享受人生

轉貼:http://hd.stheadline.com/news/daily/ent/381888/




2011年陳秀雯(Amy)宣佈回復單身,跟結婚28年的前藝員丈夫林國雄正式離婚後變得無欲無求,近年大多遊山玩水,享受人生!直至最近才肯復出,跟好戲之人廖啟智(智叔)和鄭子誠等合力演出勵志舞台劇《折翼天使》。現年53歲、寄情享樂的Amy坦言無意追尋第二春,仲有感而發道:「唔係有一個人喺身邊咁簡單,有時係要接收埋成個『套餐』,包括快樂同不快樂!」離婚前,因為前夫林國雄,Amy與生意拍檔為錢反目、被僧人呃錢、欠債,甚至與胞妹陳加玲變仇人等,活得不快樂完全係她離婚前的心聲。

採訪:方騫平

        近年,積極享受人生的陳秀雯仍鍾愛演戲,不過就會嚴選劇本,她和智叔等將於十二月十七至二十日在葵青劇院,演出六場舞台劇《折翼天使》,能夠打動Amy重返幕前原因好簡單,因為故事講述08年汶川地震入面,一位舞者被活埋後獲救,折肢求生的真人真事,Amy大受感動:「我好欣賞呢啲逆境求存、唔被打敗嘅人,好有正能量,故事主角正面人生態度好吸引。」

「TVB搵過我」

  接舞台劇前,陳秀雯近年曾推戲,不過她否認玩嘢說:「其實兩年前TVB搵過我,甚至外邊已動筆簽咗一部電影合約,但最後都推晒,因為我真心覺得唔啱做。」唔濫拍劇,全因Amy在電視台最輝煌的年代出道,當時超強班底加好劇本,她慨歎「真係返唔到轉頭」,而且獨子長大,令她有更多時間享受人生,她說:「個仔成二十八歲,唔使我照顧佢,唔係講風涼話,呢幾年真係忙於遊山玩水,我好幸福可以做到自己鍾意做嘅事。」

愛睇美劇

  發福Amy正為演出積極減肥,她笑說:「因為唔使出鏡唔會節食刻薄自己,最慘係我好吸收,食小小就肥,以前拍電視劇係長期處於飢餓狀態,好陰功。」作為觀眾,近年她愛睇美劇,除捧老友歐陽震華和關詠荷等場外,坦言甚少睇無線劇集,問到原因時?她直言:「人哋劇集好睇!」對於現時的電視圈,陳秀雯表示失望:「係關乎整個大氣候問題,就算我畀意見,都唔會令到個行業好番,我只希望佢哋可以爭氣重振聲威。其實又唔可以怪責演員演技唔好,一個好戲真係要成個團隊配合出嚟,就算燈光都好重要。」

同前夫有聯絡

  問到感情事,Amy反應好大,笑住回應:「唔係呀?幾多歲呀?唔係再花時間搵邊個啱自己呀?人生有唔同嘅嘢,o依家我好享受人生,唔係有一個人喺身邊咁簡單,有時係要接收埋成個『套餐』,包括快樂同不快樂!所以我都叮囑身邊嘅盛女唔啱唔好勉強,唔使著急。」至於係咪因受過傷而卻步?她卻說:「冇話邊個hurt邊個,我好相信緣份,有緣先會走埋一齊,不過,有時大家去一個trip,去到一個中間位都會一個想轉左,一個想轉右,所以最快樂嘅方法係分開行,相聚時快樂係最重要,當去到分叉位就各走各路!」當問到同林國雄有冇聯絡時?Amy帶點避忌回應:「我哋唔係斷絕關係,係知道發生乜事嘅。」
附件: 您需要登录才可以下载或查看附件。没有帐号?注册  
转发到微博 收藏 分享

從來沒有想過會動搖,愛妳的心永不變。。。。。

好高清的圖!親愛的 太给力了!么么哒…

TOP

返回列表